Mocidade menor de 30 anos de Caldas gozará de entradas gratis en PortAmérica
Por Redacción
Aquelas persoas con idades comprendidas entre 16 e 30 anos que se atopen empadroadas en Caldas de Reis terán a posibilidade de conseguir entradas gratis para asistir ao Festival PortAmérica, que comeza o 2 de xuño. A empresa organizadora e o Concello de Caldas chegaron a un acordo nas últimas horas para facilitar a asistencia de mozas ao recinto.
Para lograr a entrada terán que estar empadroadas en Caldas antes do 1 de maio e poderán recoller as invitacións entre o 10 e o 27 de maio, en horario de 16.00 a 20.00 horas, de luns a venres, no Centro Comarcal da Tafona. Terán que presentar o DNI e, durante o festival, para acceder ao recinto tamén terán que presentar o DNI e a entrada co seu correspondente código.
Esmerarte, empresa organizadora, indica que se trata dunha oferta extraordinaria e só para este ano, despois da situación vivida durante a pandemia. Lembran que a superficie "moi limitada" da Carballeira tampouco permitía ofertas deste tipo en anos precedentes. Os concertos trasládanse este ano á Azucreira de Portas para ofrecer escenarios máis grandes e aumentar a capacidade, con medidas de seguridade e evacuación adaptadas a un maior número de espectadores.
Manuel González, primeiro tenente de alcalde de Caldas, considera que PortAmérica "segue sendo un festival tamén de Caldas e Caldas segue sendo o núcleo urbano de referencia de PortAmérica" e destaca o seu espírito comarcal desde os inicios con gran impacto económico no municipio.
Na Praza do Camiño da Tafona desenvolveranse tamén concertos-vermouth gratuítos e a Carballeira e Os Choróns acollerán unha acampada limitada, con instalacións portátiles e sen acceso de vehículos, sinalan desde o goberno local.
Entre outros artistas, PortAmérica ofrece un notable cartel este ano coa presenza de Nathy Peluso, Xoel López, Mikel Erentxun, El Columpio Asesino, Depedro ou Viva Suecia
Relacionadas:
-
Música, natureza e gastronomía, cóctel vangardista do bicéfalo PortAmérica 2022
Por Redacción |
-
Estrea de sesións vermú con Marilia Monzón, Pablo Lesuit e Igloo no PortAmérica 2022
Por Redacción |
-
Rías Baixas Fest, sete citas musicais obrigadas entre xuño e setembro na provincia
Por Oskar Viéitez & Mónica Patxot |
-
Acceso gratuíto ao Portamérica para os empadroados en Portas de 16 a 30 años
Por Redacción |
-
'Fichaxe' bomba do PortAmérica: Nathy Peluso súmase ao cartel do festival
Por Alejandro Espiño |
-
Xoel López, Depedro, Alice Wonder e WOS, entre as novas confirmacións para PortAmérica 2022
Por Alejandro Espiño |
-
O espírito de PortAmérica reforesta os montes de Portas
Por Redacción |