Berto, High Paw, Ruxe Ruxe e Eladio y los seres queridos, protagonistas dos concertos do Galegote Rock
Tras dez anos de percorrido e dous de pandemia, o festival Galegote Rock volve a traer ás salas, bares e prazas da cidade a música galega en diversos estilos a finais do mes de abril. Alberto Oubiña, o concelleiro de Xuventude, presentou a nova edición este venres 8 no Concello, definíndoa como un "espazo onde apostar pola música de calidade" en galego.
O regreso dos concertos sen cadeiras e en interiores preséntase a través dun anuncio realizado polo artista Gero Costas. O vídeo, gravado nun bar, mostra a personaxes variados como Paqe, Ortiga e mesmo os propios fillos dos organizadores, cantando cancións galegas coñecidas baixo o lema "A nosa música, mellor en galego".
Oubiña pretende recuperar o "espírito Xabarín" mediante o fomento de composicións na nosa lingua entre as novas xeracións. Ademais, sinala que esta actividade é a "previa perfecta" para o mes das Letras Galegas.
Durante os tres últimos días de abril, espazos como O Grifón, Sala Karma ou O campiño de Santa María serán escenario das bandas seleccionadas para representar os xéneros galegos. Marcos Rivas, o programador da actividade, busca recordar que os bares son "gastro, bebida, diversión e sobre todo música".
O xoves 28 abrirán a programación High Paw e Copa Turbo; o venres 29 continúan Os Silvestres e Ruxe Ruxe; e, por último, o sábado 30, dividido en dúas sesións de mañá e tarde, presentaranse Moucho, Eladio y los seres queridos, Kris K DJ, Xeración Sónica, Zeltia Irevire, Grampoder, Berto e Carlos Crespo DJ.
Rivas recordou a primeira edición do Galegote Rock en 2012, na que actuou unha novel Terbutalina, banda que na actualidade esgota as entradas nos seus concertos. No cartel deste ano, creado polo deseñador Diego de la Iglesia de Guillotina Estudio, o programador resaltou a combinación de artistas novos como High Paw e Copa Turbo xunto a bandas experimentadas como Ruxe Ruxe para ofrecer e dar a coñecer unha pluradidade de opcións ao público.
Relacionadas:
-
RADIO.- O pontevedrés Berto lanza 'Sinto' o seu primeiro elepé de composión e produción propia
Por Marisa Ciordia |
-
O Galegote Rock espalla a música en galego por todos os recunchos de Pontevedra
Por Redacción & Cristina Saiz |
-
O sorprendente dueto de Ortiga e Pili Pampín que se gravou en La Luna
Por Alejandro Espiño |
-
A Escola Municipal de Música de Vilagarcía abre a principios de maio o proceso de matriculación
Por Redacción |
-
Xoel López, Depedro, Alice Wonder e WOS, entre as novas confirmacións para PortAmérica 2022
Por Alejandro Espiño |
-
O folk de Caamaño & Ameixeiras abre este venres a programación de Híbridas en Santa Clara
Por Redacción |
-
O novo traballo musical de Queco Lago preséntase en directo na Sala Karma
Por Alejandro Espiño |
-
Spotify e Apple Music publican o terceiro recompilatorio de Xeración Sónica
Por Oskar Viéitez |
-
Antón Reixa: "Tocounos ser a primeira xeración de artistas galegos sen complexos"
Por Manu Otero |
-
O disco debut de María Yfeu soará en directo en Pontevedra
Por Alejandro Espiño |
-
O grupo pontevedrés Peña, finalista do Concurso Narf de música na Coruña
Por Cristina Saiz & Anxo Lourido |