'Los pazos de Ulloa' rememora o centenario da morte de Emilia Pardo Bazán a través do teatro
Con motivo do centenario da morte da autora galega Emilia Pardo Bazán no 2021, a produtora de espectáculos Secuencia 3 achega ao escenario de Afundación a primeira adaptación teatral de Los pazos de Ulloa, a novela máis coñecida da escritora.
O dramaturgo madrileño Eduardo Galán é o encargado de adaptar esta obra, acompañado pola dirección de Helena Pimenta, á cabeza da Compañía Nacional de Teatro Clásico desde hai oito anos. Galán afirma que procurou mostrar o mundo sórdido e máxico da Galicia rural e profunda no ambiente falso da cidade coa mesma paixón ca a autora.
A representación, dunha hora e media de duración, terá lugar no Auditorio de Afundación o 7 de abril ás 20:30 horas, coa proposta de ser un alegato contra a violencia mediante a historia dun enfrontamento entre o desexo do mundo caciquil e a cortesía da cidade do século XIX.
Pere Ponce, Marcial Álvarez, Ariana Martínez, Francesc Galcerán, Esther Isla e David Huertas son os nomes recoñecidos a nivel nacional que coroan o reparto desta versión teatral na busca de rememorar a ensaísta coruñesa.
Relacionadas:
-
'El abrazo', unha comedia con milagre de María Galiana, Juan Meseguer e Jean Cruz
Por Redacción |
-
"Fariña" continúa en Pontevedra a súa xira polos teatros de Galicia
Por Redacción |
-
Mourelos e Coronado presentan a comedia 'El Electo' en Afundación este xoves 31
Por Anxo Lourido |
-
A arte como oportunidade laboral para parados de longa duración
Por Redacción |