O Festival das Núbebes abre a venda de entradas para os espectáculos desta fin de semana
Por Redacción
A primeira fin de semana do Festival das Núbebes resultou un éxito de asistencia, con todas as entradas aos espectáculos programados esgotadas mesmo nos pases dobres. Tamén a nivel organizativo, sen colas nin aglomeracións e xerando un ambiente de seguridade.
A situación sanitaria permitira uns días antes do comezo do festival a ampliación nos aforos, polo que as compañías teatrais tamén celebraron esta circunstancia que posibilitou recibir a un maior número de persoas. " Non tiveramos tanto público dende antes da pandemia", manifestaban.
Queda aínda esta fin de semana para completar o festival, que virá cargada de música, teatro e narración oral da man, o sábado 25, de Rilo e Penadique e, o domingo 26, de Cé Orquestra Pantasma.
Ambos espectáculos contarán con pase dobre e teñen xa á venda exclusivamente online as súas entradas en www.ataquilla.com. O custo é de 3 euros. Desde a organización lémbrase que é preciso que todos os membros da familia, incluídos os bebés, teñan a súa entrada para controlar número de asistentes.
PROGRAMACIÓN 2ª FIN DE SEMANA
— Sábado 25 de setembro - 12.00 h e 18.00 h
Narración oral e música | De 0 a 3 anos. Espectáculo de narración oral e música co que imos arrolar, contar, cantar e xogar xuntas para soñar e medrar libres!.
— Domingo 26 de setembro - 12.00 h e 18.00 h
A Voar de Cé Orquestra Pantasma
Concerto | Público familiar. Espectáculo divertido, dinámico e participativo baseado no conto da xoaniña Xoana, un canto ás necesidades de liberdade, movemento e xogo libre dos nenos e nenas.
Relacionadas:
-
Tres espazos e máis aforo por espectáculo, as novidades do regreso do Festival das Núbebes
-
Pontevedra alístase á Guerrilla cultural para remover conciencias
Por Redacción |
-
Volve o Festival das Núbebes con catro compañías galegas de "renome"
Por Oskar Viéitez & Mónica Patxot |
-
Pontevedra presenta o seu "telescopio cultural" cunha programación "de luxo" ata final de ano
Por Alejandro Espiño |
-
Cancelada a oitava edición do Festival das Núbebes
Por Redacción |