Xoves de verán para coñecer con detalle as Ruínas de San Domingos
Por Redacción
"Se es desas persoas que pasaron por diante infinidade de veces pero descoñece a historia deste destacado monumento, deberías sumarte ás visitas guiadas" ás Ruínas de San Domingos en Pontevedra. É o reclamo que utilizan en redes sociais desde o Museo de Pontevedra para fomentar as visitas a este espazo.
Lembran así aos residentes na cidade e tamén aos visitantes que todos os xoves a partir das 12.00 horas se poden descubrir segredos desta obra arquitectónica unida á historia da cidade. Un templo gótico que comezou a construírse a finais do século XIII, tras a chegada dos dominicos á vila.
Xa no século XVIII tentouse unha reconstrución de estilo neoclásico, que non chegou a terminarse. Actualmente consérvase a cabeceira da igrexa con cinco ábsidas poligonais e un muro lateral cunha pequena portada e o seu rosetón.
As visitas guiadas ás Ruínas son gratuítas, respectando os protocolos de seguridade sanitaria.
Relacionadas:
-
Novos carteis lembran que nas Ruínas de San Domingos as fotos deben ser sen flash e sen pau selfie
Por Redacción |
-
O Museo abre a exposición 'Mulleres. De Renoir a Sorolla' con medio cento de obras de artistas de renome
Por Mónica Patxot & Oskar Viéitez |
-
Elaboran un vídeo de realidade virtual en 3D sobre as Ruínas de San Domingos
Por Alejandro Espiño |
-
Turismo de Pontevedra inicia esta fin de semana as visitas guiadas polo centro histórico
Por Redacción |
-
Preto de 1.400 visitas ao Museo durante a Semana Santa
Por Redacción |