Sete Falares encara a súa recta final
Por Redacción & Cristina Saiz
Esquecido xa o seu comezo baixo teito pola choiva, Sete Falares afronta esta fin de semana a súas dúas últimas xornadas cunha intensa programación.
O festival internacional de narradores, organizado por Pavís Pavós, contaba este sábado coa proposta familiar de Eugenia Manzanera pola mañá e despois coas historias de Soledad Felloza e Antonio Fontinha, todo iso na Alameda. Para pechar a xornada, na Praza da Pedreira programouse a actuación de Miguel Horta, Eugenia Manzanera e Martha Escudero.
Así se chega á última xornada de Sete Falares, este domingo 27 de xuño, na que están previstas varias actuacións. Por unha banda Martha Escudeiro saltará á palestra na Alameda ás 13.30 horas.
Despois, xa a última hora, chegará o broche final na Praza da Pedreira cunha gala de clausura (21.00 horas) na que estarán Eugenia Manzanera, Soledad Felloza, Antonio Fontinha, Miguel Horta e Martha Escudeio.
Desa forma poñerase fin a 10 días de historias a cargo dalgunhas das estrelas da narración oral galega pero tamén de España, Portugal e México.
Relacionadas:
-
O festival de narradores Sete Falares celebra en Santa Clara a súa décima edición
Por Manu Otero |
-
As historias de vida de moitas mulleres resoan no Sete Falares
Por Redacción & Cristina Saiz |
-
Sete Falares arranca baixo teito a súa edición máis extensa
Por Redacción & Mónica Patxot |
-
Narradores de Galicia, Salamanca, Portugal e Latinoamérica no regreso ampliado de Sete Falares
Por Redacción |