Os monicreques de Contacreques poñen fin á tempada de Domingos do Principal
Por Cristina Saiz
A compañía galega Emedous presentou este 2 de maio, no Teatro Principal de Pontevedra, a obra titulada Contacreques, a última das funcións programadas nesta tempada de Domingos do Principal.
Trátase dunha proposta poética, divertida, áxil e desenfadada que aborda a historia dun canto dun paxaro que lle revela o goce de vivir a un emperador; as peripecias dun minúsculo personaxe nun mundo de xigantes; e a maxia dun Zapatrasno "que é quen de transformar a realidade".
Contacreques é un espectáculo dirixido a un público comprendido entre os 3 e os 7 anos e está baseado nos contos clásicos como "Garabanciño", "O Reiseñor" e "O Zapateiro e os trasgos".
Unha posta en escena que transporta ao público a un mundo con voces de contadores de historias e corpos de monicreques.
A idea orixinal é de Alex Díaz e Javi Tirado, baixo o guion de Ricardo Combi; e a tradución, de Sandra Romarís. Os intérpretes que se soben ao escenario son Rocío González e Rocío Salgado. A dirección do espectáculo corre a cargo de Alex Díaz, e o deseño das marionetas e a escenografía, de Javi Tirado. A música é obra de Fran Lasuen e Santiago Ramos.
Relacionadas:
-
O público pontevedrés non deixa só a Robinson Crusoe no Teatro Principal
Por Cristina Saiz |
-
Unha xornada de Domingos do Principal para 'sementar' o amor polo teatro
Por Redacción & Cristina Saiz |
-
Domingos do Principal internacionalízase con "Semente", da compañía portuguesa Ajidanha
Por Redacción |
-
Domingos do Principal recupera a historia de Jojo, o primeiro orangután rescatado da súa cautividade
Por Redacción & Cristina Saiz |
-
'Italino Grand Hotel', unha lavandería, un personaxe solitario e unha sombra
Por Cristina Saiz & Redacción |
-
Un reencontro moi esperado cos Domingos do Principal
Por Oskar Viéitez & Cristina Saiz |