Arrancan as visitas guiadas para a exposición 'José Suárez 1902-1974' no edificio Castelao
Este xoves 11 de marzo comezarán as visitas guiadas á exposición 'José Suárez 1902-1974', que fora aprazada por mor da pandemia. Poderase asistir a estas visitas con guías todos os xoves e os sábados ás 18:00 horas con previa inscrición.
Tal e como afirman dende o Museo de Pontevedra, esta exposición permitirá ás persoas participantes achegarse cara á modernidade e ao talento da obra do fotógrafo galego máis internacional do século XX.
A exhibición conta cunha mostra de 150 fotografías seleccionadas, á vez que con varios exemplares de cartas, libros e outros documentos que contextualizan a vida do autor e o seu traballo.
A exposición estará aberta ao público dende o 2 de marzo ata o domingo 18 de abril, e a entrada é gratuíta. No caso de querer asistir ás visitas guiadas, deberase facer mediante inscrición previa, chamando ao 986 804 100 extensión 42413 ou mediante este correo electrónico.
Relacionadas:
-
O Museo de Pontevedra achegará pequenas réplicas dos seus fondos a vilas do Camiño Portugués
Por María José Pita |
-
Preto de 800 persoas visitaron no Museo en apenas tres semanas os cadros expoliados polos nazis
Por Oskar Viéitez |
-
O Museo convoca un concurso fotográfico ao redor da exposición de José Suárez
Por Redacción |
-
Inauguran a mostra 'José Suárez 1902-1974', que a pandemia obrigara a aprazar
Por María José Pita |