"Cobiza" de María Reimóndez, Premio Pinto e Maragota, xa está nas librarías
Por Alejandro Espiño
Unha profunda ollada feminista e ecoloxista na reflexión sobre o futuro do planeta. Así é Cobiza, a novela de ciencia ficción escrita por María Reimóndez. Este proxecto literario foi o gañador do I Premio Pinto e Maragota á diversidade sexual e de xénero.
O libro, do que xurado valorou a súa reflexión sobre a construción do sexo, do xénero e das orientacións sexuais, xa está dispoñible nas librarías galegas. Foi editado por Xerais.
En Cobiza, a súa protagonista, Luz, habita o presente nun mundo que se divide entre os Recunchos e as Capitais, estas últimas só accesibles mediante a chamada 'lotería da fertilidade'. Gañala implica un acceso descoñecido á opulencia.
Nun futuro marcado polo cataclismo denominado a Gran Desconexión, tres seres creados de materia vexetal, pero con forma humana, son capturados por un barco negreiro para chegar a un continente descoñecido. Aquí descubrirán como os seus corpos son clasificados como mulleres e modificados, vendidos para manter as estruturas de poder dominantes.
O Premio Pinto e Maragota é o primeiro concurso literario galego que se centra no ámbito LGTBI. A gañadora, ademais de ter a oportunidade de publicar a súa novela con Xerais, recibiu tamén un premio económico de 3.000 euros.
Tras o éxito de participación acadado na primeira convocatoria do certame, o Concello de Pontevedra ten a intención de convocar unha nova edición do premio literario neste ano 2021, de novo en colaboración con Edicións Xerais.
Relacionadas:
-
Pontevedra convoca a segunda edición do seu premio literario sobre diversidade
Por Alejandro Espiño |
-
Os Vermús de Pinto e Maragota regresan cun encontro lector protagonizado por Nee Barros
Por Redacción |
-
VÍDEO.- Os clubs de Pontevedra e o Concello, unidos en favor da diversidade no deporte
Por Diego Espiño |
-
María Reimóndez gaña o premio literario Pinto e Maragota con "Cobiza", unha novela de ciencia ficción
Por Alejandro Espiño & Mónica Patxot |
-
Vinte e catro obras optan ao primeiro premio literario Pinto e Maragota de diversidade sexual
Por Redacción |
-
O premio literario Pinto e Maragota recoñecerá obras narrativas, poéticas ou teatrais sobre diversidade sexual
Por Alejandro Espiño |