A prestixiosa soprano Serena Sáenz ofrece dous recitais para celebrar a Gala de Reis
Por Redacción
A noviña soprano catalá Serena Sáenz, que triunfou na Staatsoper de Berlín interpretando o papel de Pamina de 'A frauta máxica' de Mozart, fará escala durante dous días no Auditorio Municipal de Vilagarcía de Arousa.
Trátase de dous concertos que se celebran con motivo da Gala de Reis, organizados pola Sociedade Filarmónica de Vilagarcía, durante este venres 8 ás 21.00 horas e este sábado 9 ás 20.00 horas. O prezo das entradas é de 18 euros, con acceso gratuíto para as persoas asociadas á Sociedade Filarmónica. As entradas pódense reservar a través do correo electrónico: contacto@sfvilagarcia.com
A soprano estará acompañada polo pianista Matthias Samuil e ofrecerá un repertorio no que inclúe arias de ópera, zarzuela e cancións tradicionais. Serena Sáenz Molinero conta con 26 anos e gañou o Premio Mozart do Concurso Internacional de Canto Tenor Viñas, o International Gesangswettbewerb Ferruccio Tagliavini (Austria), o Concours International de Chant de Mâcon (Francia) e logrou o terceiro premio do Concurso Mirabent i Magrans (Catalunya) e As Sinfonías de Outono (Francia).