O Museo Torres de Marín acolle unha mostra das portas artísticas de María Sancho
Por Redacción
Este martes abría ao público a exposición das láminas que forman parte do almanaque de 'Portas de Marín' que creou a experta en caligrafía artística e pintura, María Sancho.
A mostra pode verse na entrada do Museo Manuel Torres de Marín e supón unha viaxe por distintos espazos da vila mariñeira nos que se atopan esas portas emblemáticas ou que, segundo palabras da autora, "forman parte das miñas lembranzas da infancia, da miña adolescencia, madurez e, á vez, que foron testemuñas da memoria dun pobo, conformando un precioso patrimonio".
Precisamente coa intención de converter esa creación dun patrimonio común nunha realidade, o Concello impulsará a explicación de cada unha destas historias que esconden as portas mes a mes.
De feito, a artista abre o correo electrónico laspuertasdemarin@gmail.com para que todos aqueles que coñezan anécdotas e historias interesantes sobre esas localizacións poidan facer as súas achegas escribíndolle, de tal xeito que se reconstrúa colectivamente a tradición que esconden detrás.
As concelleiras Itziar Álvarez e Beatriz Rodríguez visitaban a mostra na compaña da propia artista.
Relacionadas:
-
O Museo Torres funcionou no 2020 como o motor cultural de Marín
Por Redacción |
-
Ilustracións de portas históricas de Marín marcarán o paso dos meses de 2021
Por Redacción |
-
O cadro que pintou Manuel Torres durante a pandemia de 1918 xa está no Museo
Por Redacción |
-
O Museo de Marín exporá creacións de Manuel Torres asociadas co Nadal
Por Redacción |