O Teatro Principal acolle a estrea do documental 'Tras o Colón Galego, de Pontevedra ao Novo Mundo'
Por Redacción & Mónica Patxot
Trinta minutos de traballo audiovisual recompilando moitos dos argumentos e indicios, algúns novos, que reivindican a orixe galega do descubridor Cristóbal Colón como natural de Poio.
É o que ofrece o documental 'Tras o Colón galego, de Pontevedra ao Novo Mundo' que este venres se presentou en sociedade no Teatro Principal de Pontevedra con aforo reducido.
O acto contou cunha presentación e coloquio do seu director e guionista ademais de presidente da Asociación Cristóbal Colón Galego, Eduardo Esteban, xunto ao concelleiro de Desenvolvemento Sostible, Iván Pontes, e o tenente de alcalde, Tino Fernández.
Na realización e edición do documental participaron tamén Ángel Peláez e Fernando Portela.
Despois da súa estrea 'Tras o Colón galego, de Pontevedra ao Novo Mundo' quedou aberto ao público a través de Youtube.