Doa libros para axudar na campaña #SOSQUIOSCOS e evitar que persoas con discapacidade perdan o seu emprego
Por Redacción
A Fundación Juan XXIII Pontevedra fai un chamamento ao Book Power a través das redes sociais dentro da operación #SOSQUIOSCOS, unha iniciativa que busca que calquera persoa colabore con esta asociación e doe libros que teña pola súa casa coa intención de fomentar a actividade dos quioscos de venda, que xestionan persoas pertencentes ao colectivo Juan XXIII.
Desta forma, aquelas persoas que queiran doar libros poden facelo levándoos ao quiosco situado nas escaleiras do Hospital Provincial. Estes libros contarán cunha segunda oportunidade a través da venda nestes quioscos.
Desde Juan XXIII indican que os quioscos están a desaparecer, debido á tendencia á lectura a través de sistemas dixitais, e isto conleva o perigo da perda de empregos de persoas con discapacidade, que se encargan de atender estes postos de venda.
A través desta iniciativa buscan unha revitalización dos quioscos. As persoas interesadas en colaborar recibirán unha tarxeta de "doantes de oportunidades" coa súa primeira doazón. Grazas a esta tarxeta, estes colaboradores poderán gozar dun aforro do 20% na adquisición das súas próximas lecturas. Para aquelas persoas que precisen de máis información, a Fundación ofrece o teléfono 986.869.296
Relacionadas:
-
A Fundación Juan XXIII recolle libros este martes no Hospital Provincial na súa campaña #SOSQUIOSCOS
Por Redacción |
-
Benestar Social firma un convenio para facilitar a inclusión laboral dos usuarios da Asociación Xoán XXIII
Por Redacción |
-
Falece María Teresa Fernández Cabaleiro, fundadora da asociación Xoán XXIII
Por Redacción |
-
A asociación Juan XXIII reactiva o seu centro en Pontevedra
Por Redacción |