Da heroína ao fentanilo, o percorrido de Víctor Méndez polos 'traficantes da morte'
Por Redacción & Mónica Patxot
A avenida de Santa María converteuse no improvisado escenario ao aire libre no que o xornalista pontevedrés Víctor Méndez presentou o seu segundo libro, 'Traficantes de la muerte. De la heroína al fentanilo'.
O xornalista de Diario de Pontevedra, especializado en temas de narcotráfico, estivo acompañado no acto polo xefe da unidade GRECO Galicia, Emilio Rodríguez, e polo xerente da Fundación Galega Contra o Narcotráfico, Fernando Alonso.
No libro, Víctor Méndez analiza o percorrido que alcanzaron en España dous dos compostos más aditivos e perigosos, a heroína e o fentanilo, ambos derivados do opio, que xeran no noso país máis de mil mortes cada ano.
'Traficantes de la muerte. De la heroína al fentanilo', ademais de analizar a incidencia destas drogas en España, debulla varios episodios e epidemias que ocorreron en países como Alemaña ou Estados Unidos.
Tamén se repasa no libro a historia dos opiáceos desde o seu uso nas civilizacións máis antigas ata a chegada de novos derivados como o fentanilo, poñendo caras, nomes e apelidos ás persoas que producen e comercian con estas drogas.
A presentación en Pontevedra deste libro, editado por Los Libros de la Catarata, estivo organizada pola Libraría Paz.
Relacionadas:
-
"O tráfico de haxix está banalizado como parte da paisaxe e non ten a repercusión que debería ter"
Por Natalia Puga |
-
"Para loitar contra o narcotráfico necesitamos impulso político e recoñecemento social"
Por Natalia Puga & Mónica Patxot |
-
Víctor Méndez: "Mentres haxa negocio, e vai seguir habéndoo, o narcotráfico non vai desaparecer"
Por Natalia Puga & Mónica Patxot |