Cinco novos concertos esta semana en 'A hora dos nenos' de Ponte Caldelas
Por Redacción
A alameda de Ponte Caldelas acollerá esta semana cinco novos espectáculos dentro do ciclo de programación infantil 'A hora dos nenos'.
Se ben a semana pasada os contacontos percorreron nove lugares do municipio, a actividade chega desta volta a este espazo central do municipio.
Os espectáculos, que serán ás sete da tarde, serán:
- Luns 7: Os fíos do querer, con Cé Orquestra Pantasma
- Martes 8: Cancioneiro de música tradicional, con Oradaladou
- Mércores 9: Filipa cos contos, de Bandullo Azul
- Xoves 10: Canta miña pedra canta, con Xoan Curiel
- Venres 11: Pepiña Maruxiña quere voar, con Barafunda
Estas actividades son financiadas polo Concello de Ponte Caldelas co apoio de fondos do Pacto de Estado do Ministerio de Igualdade e do programa Cultura no Camiño da Xunta de Galicia.