Rosa Cedrón amaina a chuvia para pechar os concertos das Festas da Peregrina
Por Cristina Saiz & Redacción
Rosa Cedrón fixo fronte á choiva na noite deste domingo 16 subíndose ao escenario da Praza de España e ofrecer unha actuación que poñía o colofón ás Festas da Peregrina 2020, que estiveron marcadas pola pandemia da Covid-19.
Ao redor dun centenar de persoas seguiron o concerto da artista lucense desde as cadeiras instaladas no recinto nunha noite desapracible na que o goberno local, como adoita suceder neste tipo de casos, decidía manter os actos festivos na rúa a pesar das inclemencias do tempo meteorolóxico.
Rosa Cedrón realizou un repaso do mellor do seu repertorio co seu estilo persoal e a liña musical de world music, que vén mantendo desde o seu álbum 'Nada que perder', editado no ano 2016.
Tamén na praza da Ferrería, a agrupación de música tradicional Os Carunchos ofrecía un concerto ateigado de composicións festivas seguidas por escaso público que, en varias ocasións, tivo que facer uso do paraugas durante o transcurso da actuación.
O Concello de Pontevedra decidía, en cambio, suspender a actuación da banda The Lakazáns prevista nas Pistas de Campolongo. Dúas horas antes do concerto comunicábase por redes sociais a cancelación do evento debido á presenza da choiva. Tamén se suspenderon as actividades infantís previstas para a tarde na Alameda e na praza de Amalia Álvarez.
Relacionadas:
-
Haberá Feira Franca 2020 sen comidas particulares nin actos que poidan conlevar aglomeracións de público
Por Anxo Lourido |
-
VÍDEO.- Os fogos iluminan un ceo nocturno anubrado para dicir adeus ás Festas
Por Cristina Saiz & Redacción |
-
Pel e Pau, La casa de los ingleses e Emilio Rúa, música para todos os gustos
Por Cristina Saiz & Redacción |
-
Última fin de semana para gozar dunhas intensas pero contidas festas da Peregrina
Por Redacción |
-
Un verán cheo de música, arte e espectáculo, que "serven para combater o medo, a tristeza e a melancolía"
Por Natalia Puga & Mónica Patxot |