Son de metais sobrevoan o Mosteiro de Poio
Por Redacción
O adro do Mosteiro de Poio converteuse nun escenario extraordinario para que o público puidese escoitar o repertorio clásico ofrecido polo Quinteto de metais da Orquestra Filharmónica de Pontevedra durante a tarde deste venres 14 de agosto.
Trátase dun dos concertos que se inclúen no programa 'Música no ar', que organiza a Deputación de Pontevedra coa intención de fomentar a música en vivo e en espazos nos que se garanta a distancia entre os asistentes.
Á actuación asistía a deputada Noemí Outeda, que puido comprobar as habilidades dos trompetistas Eduardo Narciso e Miguel Adrián Pazos, xunto a Ainara González á trompa; Carlos Cabaleiro ao trombón e Francisco Javier Lavía á tuba.
O quinteto ofreceu pezas de compositores da talla de Brahms, Offenbach, Sousa, Rossino e Joplin. O ciclo de 'Música no Ar' continuará o domingo 16 ás 20.00 horas coa sección de percusión da Orquestra Clásica de Vigo, que ofrecerá un concerto na Carballeira de Caldas de Reis.
Despedida co Galope Infernal de Orfeo nos Infernos de Offenbach. Ou sexa a música que máis asociamos ao cancán francés. #MusicaNoAr pic.twitter.com/I6mizLjrSd
— Deputación Pontevedra (@depo_es) August 14, 2020