O cinema de verán chega a Marín a partir do próximo venres
Por Redacción
O anunciado cinema de verán polo Concello de Marín chega ás veladas da cidade a partir do próximo venres 7 de agosto. Trátase dunha das propostas que se inclúen no plan de dinamización cultural coas que se pretende tamén dinamizar o comercio local.
Dados os condicionantes actuais, óptase por un lecer de pequeno formato que poida ofrecerse de forma segura. Por iso estas sesións contarán con todas as medidas de seguridade e hixiene necesarias para os seus asistentes, que terán aforo limitado.
A primeira das proxeccións deste ciclo de cinema ao aire libre é 'Yesterday'. A seguinte exhibición será o venres 21, coa película 'Bohemian rhapsody' e completarase o mes de agosto coa proxección de 'Spider Man: lonxe de casa' o sábado 29.
Todas as sesións serán o Parque Eguren e comezarán ás 22.30 horas. Para o mes de setembro, o sábado día 5, previuse unha actuación musical cuxo repertorio virará ao redor da banda sonora da película ' Nosferatu'.
Relacionadas:
-
Unha "Festiña Corsaria" sen comidas, grandes actuacións nin batalla
Por Oskar Viéitez |
-
O Parque Eguren acollerá o Festival do Kilo na procura de alimentos para doar ao Comedor Benéfico de Marín
Por Redacción |
-
O CIP de Mogor mantén a súa oferta diúrna e nocturna, con grupos reducidos, en agosto
Por Redacción |