Revenidas terá formato 'en conserva' en outono e apraza o festival a 2021
Por Alejandro Espiño
A pandemia do coronavirus puido tamén co Revenidas. O festival que se celebra cada verán en Vilaxóan (Vilagarcía), que xa fora atrasado ata setembro, foi finalmente suspendido ata 2021. Será, en concreto, os días 10, 11 e 12 de setembro.
Esta decisión, segundo os organizadores, está motivada pola intención de "non perder a nosa esencia" e manter o "estándar de calidade" logrado nos últimos anos, garantindo a seguridade de todos os asistentes e dos seus traballadores.
As persoas que adquirisen a súa entrada poden gardalas para a edición de 2021 e se, pola contra, queren devolvela terán de prazo todo o mes de xullo para solicitar o reembolso do diñeiro.
A pesar diso, o festival anunciou que poñerá en marcha o próximo mes de setembro un formato reducido para que haxa un "punto de encontro" co público.
Será a través dunha iniciativa que denominaron "Revenidas en conserva", que incluirá concertos e distintas actividades gastronómicas e interdisciplinarias ligadas ao territorio, á tradición e á cultura mariñeira da zona.
Relacionadas:
-
De Vacas e Nelson Quinteiro abren este xoves o Revenidas "en conserva"
Por Redacción |
-
O Revenidas, ante a súa edición máis galega e cun formato "en conserva"
Por Alejandro Espiño |
-
Os Rías Baixas Fest organizarán microconcertos nos meses de setembro e outubro
Por Oskar Viéitez |
-
Carmela Silva, sobre os festivais de música: "Non estou disposta a que se perda nin un só en Pontevedra"
Por Oskar Viéitez |