A exposición "máis ambiciosa" sobre a Xeración Nós, no Museo na primavera de 2021
Por Alejandro Espiño
O Museo de Pontevedra acollerá entre os meses de maio e xullo de 2021 a exposición "Galicia, de Nós a nós", unha mostra que segundo os seus promotores aspira a ser a "máis completa e ambiciosa" realizada ata o momento sobre a Xeración Nós.
A exposición estará formada por máis de 300 pezas, achegadas por medio cento de institucións e coleccionistas públicos e privados, e estrearase o próximo mes de outubro no Museo Centro Gaiás da Cidade da Cultura.
"Galicia, de Nós a nós", impulsada pola Xunta de Galicia ao abeiro do Xacobeo 2021, ten como comisarios á profesora da Facultade de Ciencias da Educación e do Deporte do campus de Pontevedra, Ana Acuña, e ao investigador e académico Alfonso Vázquez Monxardín.
Esta mostra busca destacar o legado de intelectuais como Castelao, Vicente Risco, Otero Pedrayo ou Florentino Cuevillas e a súa contribución ao desenvolvemento, renovación e internacionalización da literatura e da cultura galega.
A exposición, que conmemora o centenario da revista Nós, traerá a Galicia obras procedentes de Francia, Alemaña e Portugal, que porán o foco nas conexións internacionais da revista e dos seus impulsores, "abrindo unha vía para subliñar a dimensión de universalidade e apertura da cultura galega", segundo a consellería de Cultura.
Relacionadas:
-
A Cidade da Cultura exhibe obras únicas dos fondos do British Museum na exposición ‘Faraón. Rei de Exipto’
Por Redacción |
-
Castelao, da man da conservadora do Museo Ángeles Tilve, abre o Congreso 'Encontros Museísticos. As coleccións do exilio'
Por Redacción |
-
A "Xeración Nós" volve a Pontevedra para poñer en valor o papel das súas autoras
Por Redacción |
-
Hidroxel e máscaras, control de temperatura e aforo restrinxido na reapertura do Museo de Pontevedra
Por Alejandro Espiño & Mónica Patxot |
-
A guía da Sala Castelao do Museo actualízase con máis de 360 ligazóns
Por Redacción |
-
O Museo de Pontevedra reabrirá prorrogando as exposicións de 'Leopoldo Novoa' e 'Debuxantas'
Por Redacción |