Máis de 600 persoas participaron nas visitas teatralizadas
Por Redacción
Máis de 600 persoas de todas as idades participaron nas 8 visitas teatralizadas que remataron o venres 2 de agosto. Isto supón una media de 75 persoas por visita.
Se comparamos este número co que é habitual nas visitas que se realizan noutras cidades do Estado, podemos considerar que as do Centro Histórico de Pontevedra foron un éxito rotundo.
Incluso en comparación coas que a mesma compañía Migallas Teatro levou a cabo o ano pasado, no 2013 aumentou o número de participantes. Polo de agora, só se fixeron 8 das 10 visitas previstas inicialmente e, así e todo, a cifra xa se igualou coa do ano anterior.
Dúas das visitas foron aprazadas con motivo do loito polas persoas afectadas no accidente de ferrocarril de Santiago de Compostela. Estas realizaranse o venres 23 e o sábado 24 de agosto co mesmo horario: a partir das 22.00 h, detrás da Casa Consistorial.
Cumpríronse pois os obxectivos que se perseguían de fomentar o turismo cultural, e contribuír á revitalización da Zona Monumental.