O festival urbano A Trincadeira encherá de actividade o parque do Cavadelo
Por Redacción
O sábado, 3 de agosto, as distintas expresións da cultura urbana envadirán o parque do Cavadelo durante todo o día con motivo da celebración do festival Urbano da Trincadeira. A organización deste evento, que este ano chega a súa quinta edición, corre da man do colectivo xuvenil A Trincadeira coa colaboración da Concellería de Xuventude.
A Trincadeira encherá de actividade o parque do cavadelo durante toda a xornada. A partir das nove da mañá e ata as dez da noite a mocidade poderá participar de forma activa ou simplemente gozar contemplando as probas e exhibicións de skate, BMX, fotografía, baloncesto e graffiti que se desenvolverán no festival. Ademais, toda a xornada estará amenizada con música enlatada e actuacións en directo de grupos enmarcados nos estilos musicais da denominada cultura urbana.
O V Festival Urbano A Trincadeira ía a celebrarse inicialmente a pasada fin de semana, o 27 de xullo, pero a organización decidiu pospoñelo para respectar o loito oficial polo tráxico accidente ferroviario ocorrido o pasado día 24 de xullo en Santiago e solidarizarse coas vítimas e familiares.