Novos Cinemas ofrecerá por primeira vez en España toda a obra do cineasta belga Bas Devos
Por Alejandro Espiño
O belga Bas Davos será o cineasta sobre o que o Novos Cinemas, o Festival Internacional de Cine de Pontevedra, porá o foco na súa cuarta edición. O director estará presente durante o certame para presentar as súas proxeccións e encontrarse co público.
Será a primeira vez que as súas tres películas poderán verse en España. O programa de proxeccións dedicado a Devos repasará a súa obra completa no campo da longametraxe e constará de tres filmes: Ghost Tropic, inédita en España, Hellhole e Violet.
O invitado de Novos Cinemas naceu en Bélxica en 1983. Despois de facer catro curtametraxes, completou a súa primeira longametraxe, Violet (2014), sobre unha adolescente que é testemuña do asasinato da súa mellor amiga. A película gañou o premio do xurado nunha das seccións do festival de cine de Berlín.
Despois chegarían Hellhole, ambientada nos meses posteriores aos ataques terroristas en Bruxelas; e a última delas, Ghost Tropic, protagonizada por Saadia Bentaïeb como unha muller magrebí que queda durmida no último metro e, tras espertar, descobre que debe volver a casa andando e enfrontarse a unha cidade non sempre acolledora.
O festival Novos Cinemas celebrará a súa cuarta edición entre os días 10 e 15 de decembro.
Relacionadas:
-
Novos Cinemas subirá o pano coa primeira película da cineasta Jaione Camborda
Por Redacción |
-
Do 10 ao 15 de decembro, Novos Cinemas ofrecerá as películas máis humanistas de cineastas incipientes
Por Redacción & Cristina Saiz |
-
Virginia García del Pino, Pamela Biénzobas, Gemma Vidal e Alfonso Zarauza asesorarán no Novos Cinemas 2019
Por Redacción |
-
"Arima", a primeira longametraxe de Jaione Camborda, abrirá o festival Novos Cinemas
Por Redacción |
-
A cineasta Jaione Camborda impartirá un obradoiro no campus a través de Novos Cinemas
Por Redacción |
-
O festival Novos Cinemas abre o prazo de recepción de obras para esta edición
Por Redacción |