Dez formacións exercen de 'Paseantes' con itinerarios musicais no centro urbano
Por Redacción
Este venres 19 ás 13.00 horas, a praza de San Xosé será o primeiro punto de encontro de 'Paseantes'. Alí, o grupo de blues-rock arousán La Bestia Turca ofrecerá o primeiro concerto dun itinerario musical que se prolongará ata a medianoite do sábado 20.
Ao longo destes dous días ofrecerase ás persoas que percorren o centro urbano unha oferta cultural con música de diferentes estilos. Este mesmo venres a partir das 20.00 horas na glorieta de Compostela actuará o grupo de música tradicional Aghrou. Ás 21.15 no mesmo punto chegará o momento electrónico con Aparato. E a xornada finalizará coas actuacións na praza de Ourense a cargo de Bottonbeat e The Swinging Flamingos, ás 22.00 e ás 23.15 horas.
Xa na xornada do sábado, Carla Green & The Demons abrirán o evento cunha actuación ás 13.00 horas en Santa María. A partir das 20.00 horas, a música trasladarase á Praza de Curros Enríquez con Blues do País, que deixará paso a Vudú, proposta que enlaza son tradicional e soul.
'Paseantes' finalizará na rúa Bastida coas actuacións ás 22.00 e ás 23.15 horas de Patricia Moon e The Teta's Van.
Relacionadas:
-
Cinco novas bandas e artistas poñen o broche de ouro ao ciclo Paseantes
Por Redacción & Cristina Saiz |
-
A música 'pasea' por Pontevedra e soa a pé de rúa
Por Redacción & Cristina Saiz |
-
RADIO.- A playlist de... Patricia Moon, dispara sempre alto
Por Cristina Saiz & Marisa Ciordia |
-
A "boa sintonía" entre Concello e Deputación chega ao patrocinio de actividades culturais
Por Alejandro Espiño & Mónica Patxot |
-
Paseo e concerto, dous nun en Pontevedra
Por Redacción & Mónica Patxot |
-
Paseantes, un ciclo musical co que "deixarse levar" polas rúas de Pontevedra
Por Alejandro Espiño |