A Sociedad Filarmónica pecha temporada cun concerto da Orquestra Filharmónica Cidade de Pontevedra
Por Redacción
O vindeiro venres día 10, ás 21:00 horas, terá lugar no Auditorio do Pazo da Cultura de Pontevedra o concerto de clausura da tempada 2012-2013 da Sociedad Filarmónica de Pontevedra. O concerto, organizado en colaboración co propio Pazo da Cultura, estará protagonizado pola Orquestra Filharmónica Cidade de Pontevedra e o Coro da Facultade de Música da Universidade do Minho (Braga), baixo a dirección de Javier Viceiro-Filgueira.
No programa, dúas obras de Beethoven: a Obertura de Las ruínas de Atenas, opus 113; e a Sinfonía nº 9 en Re menor, opus 125 ('Coral'). Nesta última obra actuarán como solistas Ana María Pinto (soprano), Sara Amorín (contralto), Joao Terleira (tenor) e Sergio Ramos (barítono).
Os socios da Filarmónica terán acceso gratuito ao auditorio, pero tendo en conta que as entradas estarán numeradas, poderán, previa acreditación, retirar as mesmas no local social da Sociedade os días 8 e 9 (mércores e xoves) de 17 a 20 horas, ou o mesmo día do concerto no vestíbulo do Pazo da Cultura de 19 a 20 horas.