O Museo de Pontevedra amplía o número de visitas guiadas durante a Semana Santa
Semana Santa trae consigo unha variedade de actividades na cidade que prometen sacar aos pontevedreses da súa rutina durante uns días. Entre elas, está o programa de visitas guiadas do Museo de Pontevedra, que establecerá novos itinerarios pola colección permanente de maneira gratuíta durante esas datas.
Desde o domingo 25 de marzo ata o domingo 1 de abril -exceptuando o luns- levarán a cabo dúas visitas diarias, a primeira ás 11.30 horas -sendo este horario o único para domingos e festivos- e a segunda ás 18.00 horas.
Co nome 'Visita Especial de Semana Santa' os asistentes poderán participar nun itinerario comentado que se deterá nas obras máis representativas dos edificios Sexto e Sarmiento.
Xoias da prehistorias e antigüidade, baldaquinos de finais do século XV ou obras de grandes artistas galegos de gran prestixio serán algunhas das mostras presentes no percorrido histórico-artístico que non necesita inscrición previa. O punto de encontro establécese no mostrador do Sexto Edificio.
Para 'A ruta do Museo' con todo, si que é necesario apuntarse previamente. O itinerario fixo seguirá celebrándose os sábados, ás 11.30 horas, aproximando o público á historia dos seis edificios que compoñen o Museo de Pontevedra, así como as principais coleccións custodiadas.
Os 90 minutos de visita teñen como punto de encontro as Ruínas de San Domingos, e a inscrición faise a través do correo gabinetedidactico.museo@depo.es, ou chamando ao teléfono 986 804 100 extensión 42413.
Relacionadas:
-
Ramos, sol e burriña: comeza a Semana Santa
Por Diego Torrado & Anxo Lourido |
-
Sanxenxo reforza os servizos durante a Semana Santa
Por Redacción |
-
Espérase tempo asollado para o Domingo de Ramos
Por David Arana |
-
Sés e Xurxo Souto abrirán o novo ciclo de Visitas Cruzadas ao Museo
Por Gabriela Varela Asorey & Anxo Lourido |
-
Exposición "Ponte do Burgo. Berce, camiño, luz", historia e futuro da ponte máis senlleira da cidade
Por Redacción |
-
'A beleza oculta' pode atoparse no Sexto Edificio do Museo
Por Redacción & Mónica Patxot |