O Salón avanza na colaboración con México, o primeiro país que acudirá como invitado

Por Alejandro Espiño
De Pontevedra a México e viceversa. Así será a colaboración que se acaba de pechar entre O Salón, o evento anteriormente coñecido como Salón do Libro Infantil e Xuvenil de Pontevedra, e a Feria Internacional de Literatura Infantil y Juvenil (FILIJ- 2017) de Cidade de México.
México será o primeiro país convidado na reformulación de O Salón que, a partir de este ano, potenciará a súa internacionalización.
Para avanzar neste traballo, a concelleira de Cultura, Carme Fouces e a coordinadora do Salón, Eva Mejuto, viaxarán a próxima semana ao país azteca para avaliar a proposta de programa e delegación que virá a Pontevedra en 2018.
Ambas coordinarán con diversas institucións mexicanas o programa de convidados que asistirán ao Salón da Boa Vila, entre os que estarán ilustradores, narradores, editores, autores e diversas personalidades da literatura infantil e xuvenil de México.
"Estamos moi ilusionados", explicou Carmen Fouces sobre esta irmandade con México, aínda que destacou que "imos sobre seguro", xa que os contactos "están moi traballados" tras a misión comercial que Pontevedra protagonizou en agosto. "Agárdannos con bastante expectación e estaremos á altura do que se nos vai a pedir", engadiu.
O Salón espera que, polo menos durante unha semana, México sexa protagonista. Ademais, Fouces destacou que a temática deste ano, Mulleres de conto, está a ser moi valorada no país centroamericano porque "lles importa moito" todo o relacionado coa muller, por lo que agarda que sexa unha aprendizaxe mutua.
Pontevedra terá tamén presenza na feira FILIJ de Cidade de México. Así, o modelo de cidade de Pontevedra estará presente da man de Carme Fouces, que impartirá unha conferencia titulada Una ciudad para la infancia o próximo luns 13 de novembro.
A coordinadora do Salón, Eva Mejuto, participará convidada pola organización da FILIJ no seminario internacional de fomento da lectura, o martes 14 ás 16.00 horas, coa temática El libro álbum en tiempos de conflicto.
Relacionadas:
-
Voces de ambos os lados do Atlántico daranse cita no primeiro congreso de mediación lectora de Pontevedra
Por Natalia Puga |
-
Empezamos a contar os días para o Salón do Libro!
Por Redacción |
-
Pontevedra busca unha conexión bilateral Galicia-Mexico usando o Salón do Libro como plataforma
Por Redacción |
-
Carmen Fouces avanza en México nun programa de actividades conxunto para o Salón do Libro
Por Redacción |
-
Ana Villegas ilustrará o Salón do Libro tras gañar o seu concurso internacional
Por Redacción |
-
O Salón do Libro estrea web, unha nova imaxe e un club de lectura
Por Redacción |
-
Búscase ilustrador para o cartel do Salón do Libro
Por Alejandro Espiño |
-
Mulleres de conto para un Salón do Libro que se internacionaliza con México como país invitado
Por Alejandro Espiño |