Miguel-Anxo Murado e María Varela recollen os premios Julio Camba e Fernández del Riego de xornalismo
Por Redacción
Dous novos xornalistas teñen nas súas mans xa os premios de xornalismo Julio Camba e Fernández del Riego, que entrega anualmente Afundación. Trátase de Miguel-Anxo Murado e María Varela, respectivamente, que recolleron os seus galardóns este xoves nun acto que se celebrou no Café Moderno de Pontevedra.
O XXXVIII premio de xornalismo Julio Camba foi para Miguel-Anxo Murado polo artigo El cedazo de los días, publicado en La Voz de Galicia o 31 de decembro de 2016, e o XIV premio de xornalismo Fernández del Riego a María Varela polo texto Cóxegas e tortas, aparecido en Diario de Pontevedra o 29 de abril de 2016.
Ambos os artigos pódense ler no folleto editado por Afundación.
O texto galardoado de Miguel-Anxo Murado fai referencia á data na que os medios adoitan realizar unha recompilación dos acontecementos máis destacados do ano, definíndoa como unha especie de Aleph borgiano, que lle permitía reflexionar sobre a condición cíclica da historia e a reacción do ser humano ante este feito.
No artigo de María Varela, a autora debulla os pormenores da maternidade e reflexiona sobre a confluencia de dous sentimentos opostos, o egoísmo e o altruísmo, que se reproducen nesta situación.
Cada un dos premios está dotado con 6.000 euros.
Durante o acto de entrega, o presidente de Afundación, Miguel Ángel Escotet, destacou que os dous galardoados a través dos seus textos, "moven as nosas conciencias, promovendo o noso espírito crítico, axudándonos a pensar e a emocionarnos".
Relacionadas:
-
"Los mejores columnistas no han escrito una línea jamás, están en la calle, en la lengua"
Por Natalia Puga & Mónica Patxot |
-
A xornalista María Varela será a pregoeira das Festas da Peregrina
Por Oskar Viéitez |
-
"A mi vecina, la que está buena...", así comeza o artigo gañador do Premio Julio Camba
Por Anxo Lourido & Mónica Patxot |
-
Miguel-Anxo Murado e María Varela, gañadores dos Premios Julio Camba e Fernández del Riego
Por Anxo Lourido |
-
Máis de 150 candidatos para os premios Julio Camba e Fernández del Riego de xornalismo
Por Redacción |