A maxia mental de Tony Bright sorprende o público pontevedrés
Por Redacción & Diego Torrado
A maxia volveu a Pontevedra. Fíxoo da man do mentalista Tony Bright que este domingo presentou no Teatro Principal, ante un público entregado, o seu novo espectáculo: Magia de la mente. No te creas la verdad.
Cun patio de butacas cheo de maiores e nenos, Tony Bright, un dos magos da mente máis exitosos de toda España, ofreceu un show ameno, dinámico e moi participativo. Foron varias as persoas do público que lle asistiron nas súas diferentes demostracións.
Bright, que se interesou polo mentalismo sendo xa un neno, é un home que domina a psicoloxía, as habilidades sociais e a sugestión. Todo iso permítelle sorprender ao espectador con trucos mentais ao alcance de moi poucos.
Pódese contactar cos espíritos? Pódese ler a mente das persoas? Son só dous das preguntas que tratou de responder durante o seu espectáculo.