Dobre función de "Payasolandia" no Teatro Principal
Por Redacción
Os pallasos deixan o circo para achegarse ao teatro. O novo espectáculo de Payasolandia ofrece un mundo animado e revolucionado. Nesta montaxe un dos seus personaxes do reino da alegría odia a felicidade dos demais, a música e o ruído, e aparece en Payasolandia, un pletórico espazo cheo de luz, colorido e sorprendentes emocións, para roubarlle a voz á princesa dos nenos e así rematar coa felicidade do reino.
Entre audaces malabaristas, asombrosos magos ilusionistas, espectaculares números de hula-hop e os mellores pallasos da actualidade, o noso divertido e malvado monstro intentará conseguir a súa pero o destino dun pallaso quererá que todo teña final feliz e que Marilyn volva ser a "Princesa dos nenos".
O Teatro Principal acolle dúas funcións. A primeira ás cinco da tarde e a segunda ás 19:30 horas. O prezo das entradas é de 10 euros.