'Dúo' da Banda de Música de Pontevedra e a Banda de Gaitas de Forcarei no Principal
Por Diego Torrado
A Banda de Música de Pontevedra e a Banda de Gaitas de Forcarei foron os protagonistas musicais deste domingo na cidade do Lérez coa súa actuación Xoldra na Eira, presentada por Xavier Cruz.
Acompañados pola cantante de Valladolid Vanesa Muela e o gaiteiro José Manuel López, coñecido como Josele, ofreceron un concerto no Teatro Principal no que combinaron música folclórica e clásica e que practicamente encheu o patio de butacas.
Tal e como xa anunciara o director titular da Banda Municipal de Pontevedra, Rafael Agulló, a actuación combinou un contido de festa cunha mestura de elementos poéticos, interpretando para o público pontevedrés pezas como 'Pequena Meiga', de Iván Costa; e o 'Entrelazado' de Allaríz.