Pontevedra Viva!

Máis +
Signum Quartet

© Sociedad Filarmónica de Pontevedra

A Sociedade Filarmónica dedica o seu vindeiro concerto á centenaria falecida María Aquilina Alonso

Anxo

Por Anxo Lourido

Aquilina Alonso, Quila

© Mónica Patxot

O Teatro Principal acolle este venres 13, ás 20.30 horas, un concerto a cargo do Cuarteto Signum, organizado pola Sociedad Filarmónica de Pontevedra, un evento que servirá  para homenaxear a memoria da desaparecida María Aquilina Alonso Pérez, a socia máis antiga da Filarmónica, que falecía o pasado mes de decembro á idade de 105 anos. 

Neste concerto, Signum ofrecerán os cuartetos de corda número 12 e número 13 de Schubert, ademais do número 9 de Beethoven. Fundado en 1994, está considerado como un dos conxuntos de corda máis destacados do momento.

Os concertos do Cuarteto Signum foron transmitidos polas estacións de radio da ARD, Deutschlandfunk, DRS, ORF, BBC e Arte. O seu último disco, con cuartetos de Bartók, Schnittke e Berg, foi galardoada co premio Internacional de Música Clásica 2014 ("International Music Award") á mellor gravación de música de cámara. Por invitación do Instituto Goethe, o conxunto realizou xiras por Asia, América Central e África.

Relacionadas: