O xoves estréase 'Superpunky', a primeira curta musical rodada integramente en Pontevedra
Por Redacción
Pontevedra conta co seu propio musical. Co título 'Superpunky', este xoves 27 ás 21.00 horas no Teatro Principal de Pontevedra estrearase oficialmente esta curtametraxe coa presenza dos principais intérpretes e do director desta película, Pablo Cacheda.
'Superpunky' é unha obra que quere mostrar o talento musical galego integrado nunha trama de ficción, parodiando os musicais convencionais. Cóntase a historia de Belén e Rebeca, dúas amigas íntimas que comparten gustos musicais durante a súa etapa adolescente. Ao chegar á universidade, eses gustos sepáranse e comezan os conflitos entre ambas as ata a aparición de Quique, un neno prodixio que se converteu en cantautor maldito.
O proxecto conta coa colaboración do Concello de Pontevedra, a través da Pontevedra Filme Comission. O elenco artístico está formado por intérpretes como Sabela Arán, Fernando González, Antea Rodríguez e Cova Berdiñas. Toda a película foi rodada en escenarios de Pontevedra.
Os encargados de presentar a estrea de 'Superpunky' serán os Monoulious Dop, que conducirán a gala de presentación con humor e diversas sorpresas. Tras finalizar o acto, ofrecerán un concerto no Marilyn Pontevedra.
Pablo Cacheda é un mozo director pontevedrés que logrou un importante éxito con 'Clases do social, a webserie', tamén rodada na cidade do Lérez.
Relacionadas:
-
RADIO.- A Playlist de...: "Volvemos a primera" con Pablo Cacheda
Por Marisa Ciordia |
-
'Fai a túa propia curta', da man de Pablo Cacheda
Por Alejandro Espiño |
-
Aquí non hai erro: o 'La La Land' galego estréase online na noite dos Oscar
Por Redacción |
-
Luces, cámara... e a cantar!: grávase a curta "Superpunky"
Por Alejandro Espiño & Mónica Patxot |
-
Pontevedra convértese, por primeira vez, en escenario dunha curta musical
-
A webserie 'Clases de lo social' estrea a súa segunda tempada no IES Sánchez Cantón
Por Redacción |