Os sete "Festivais Rías Baixas" 2016 deixaron un impacto económico de máis de 26 millóns de euros
Os sete "Festivais Rías Baixas" 2016 deixaron un impacto económico de máis de 26 millóns de euros para os seus concellos e comarcas e reuniron a preto de 200.000 persoas, aumentando notablemente a súa asistencia respecto ás edicións anteriores.
A sede de Turismo Rías Baixas acolleu o peche destes eventos musicais nun acto ao que asistiron a presidenta da Deputación de Pontevedra, Carmela Silva, acompañada polo deputado delegado de Turismo, Santos Héctor, así como as persoas promotoras, organizadoras e patrocinadoras de cada un dos sete festivais que conforman a marca #RíasBaixasFests e representantes dos gobernos das sete vilas onde tiveron lugar, isto é: Cultura Quente (Caldas de Reis), Atlantic Fest (A Illa de Arousa), PortAmérica (Nigrán), SinSal Son Estrella Galicia (a Illa de San Simón en Redondela), Sonrías Baixas (Bueu), O Marisquiño (Vigo) e Revenidas (Vilagarcía de Arousa).
O acto foi amenizado pola banda pontevedresa de indie-pop La Casa de los Ingleses.
No balance destes festivais destacaron que varios deles rexistraron as súas mellores cifras de asistencia da historia, como Ou Marisquiño (130.000 persoas), Revenidas (15.000) e o Sorrías Baixas (16.500) e as ocupacións hostaleiras durante os días das súas celebracións foron dun 100% practicamente en todas as ocasións.
A presidenta, Carmela Silva, puxo en valor "a quen ten as ideas" por asumir os riscos e resaltou o labor dos concellos involucrados, "por mostrar o talento que hai na provincia" recoñecendo que "a Deputación soamente agarrouse a unha idea extraordinaria, o mérito desta institución foi o de mostrar a súa intelixencia ao apuntarse a esta gran idea".
Julio Gómez, responsable de SinSal, e Berta Domínguez, de Sonrías Baixas, en representación dos sete festivais aseguraron que "hai que continuar nesta mesma liña, porque o mellor retorno que podemos dar á cidadanía é a profesionalización e o talento dos que podemos presumir".
Os distintos responsables municipais destacaron, pola súa banda, a importancia que teñen estes eventos para as pequenas vilas, e o éxito que supón contar cun proxecto único polo seu retorno tanto social como económico e de emprego. Neste último caso, os festivais xeraron máis de 2.000 empregos directos.
Peche dos Festivais Rías Baixas
© Cristina Saiz
Relacionadas:
-
Quique González súmase a un PortAmérica que contará con 31 chefs no seu ShowRocking
Por Alejandro Espiño |
-
Leiva, The Horrors, Asian Dub Fundation ou Aterciopelados, novas 'fichaxes' do Portamérica
Por Alejandro Espiño |
-
Terbutalina e La Pegatina, primeiras bandas confirmadas para o Revenidas 2017
Por Redacción |
-
Novos nombres para o Atlantic Fest: Joe Crepúsculo, Rosalía & Raül Refree e Os Amigos dos Músicos
Por Redacción |
-
Los Planetas, segunda confirmación do Atlantic Fest 2017
Por Redacción |
-
Movemento sorpresa do PortAmérica: cambia Nigrán por Caldas de Reis cunha ambiciosa sexta edición
Por Alejandro Espiño |
-
O SonRías Baixas xa ten datas para 2017: será os días 3, 4 e 5 de agosto
Por Redacción |
-
The Temper Trap, primeira confirmación para o Atlantic Fest 2017
Por Redacción |
-
Tamén setembro marca record de ocupación hoteleira nas Rías Baixas
Por Oskar Viéitez |
-
Tiremos de Rías Baixas… na mesma dirección
Por Oskar Viéitez & Mónica Patxot |
-
Bueu acada un novo record turístico de visitantes este verán
Por Redacción |
-
De Vigo a Porto, música a bordo do Atlántico Express cos Festivais Rías Baixas
Por Alejandro Espiño |