"Meu Pontevedra!" dará paso á mostra que conmemora o centenario das Irmandades da Fala
Por Oskar Viéitez
O deputado de Cultura, Xosé Leal, anunciou que unha vez clausurada a exposición "Meu Pontevedra!", o Museo acollerá a mostra sobre o centenario da fundación das Irmandades da Fala, que chegará ao Museo de Pontevedra o 14 de setembro, baixo o título "Saúde e Terra, irmá(n)s!".
"Nesta mostra, Castelao seguirá tendo protagonismo como figura senlleira no seo das Irmandades e compartirá espazo con outras personalidades relevantes da época e do movemento que se conmemora", sinalou Xosé Leal.
"Saúde e Terra, irmá(n)s!" está organizada polo Museo do Pobo Galego, pola Real Academia Galega e pola Deputación da Coruña, e conta coa colaboración da Deputación de Pontevedra para achegala á cidadanía da provincia.
En virtude de dita colaboración, a mostra permanece neste momento na Fundación Barrié de Vigo, onde estará ata o 8 de setembro, e poderá verse no Museo de Pontevedra entre o 14 de setembro e o 2 de outubro.
VISITAS
O Museo de Pontevedra, institución dependente da Deputación, vén de contabilizar un total de 9.638 visitas só na exposición "Meu Pontevedra!", a tan só dúas semanas da súa clausura, prevista para o domingo 11 de setembro.
No que levamos de mes de agosto, ata o domingo 28, o total de persoas visitantes ascendeu a 5.325.
Unha vez coñecido este dato, o deputado provincial de Cultura e Lingua, Xosé Leal, salientou que "este éxito de visitantes vén a corroborar a vixencia actual que ten Castelao, tanto polo seu pensamento como por todo o traballo que deixou e que nos ten que servir para pór aínda máis en valor o seu legado".
Relacionadas:
-
Os orixinais do Álbum Nós permanecerán expostos no Museo, polo menos durante cinco anos
Por Oskar Viéitez & Mónica Patxot |
-
O Museo supera a barreira dos 100.000 visitantes e quere pechar o ano con 10.000 máis
Por Redacción |
-
O Museo de Pontevedra, galardoado polo seu patrimonio cultural nos Premios da Cultura Galega 2016
Por Redacción |
-
'Saúde e Terra, irmá(n)s!' viaxa 100 anos atrás para mergullarse no nacemento das Irmandades da Fala
Por Mónica Patxot |
-
Máis de 40.000 persoas visitaron o Museo durante este verán
Por Redacción |
-
As ruínas de San Domingos suman máis de 4.500 visitas en cinco días tras a súa reapertura
Por Redacción |
-
Máis de 4.300 persoas visitaron a exposición 'Meu Pontevedra' de Castelao no seu primeiro mes
Por Redacción |
-
A exposición sobre o centenario das Irmandades da Fala chegará a Pontevedra en setembro
Por Redacción |