Seis medallas de ouro para interpretar obras de Dvorák e Brahms
Por Redacción
Dentro dos concertos que organiza a Sociedade Filharmónica de Pontevedra, o vindeiro luns 18 o portagonismo correrá a cargo do Sexteto de Praga, un conxunto de corda formado por excelentes solistas da nova xeneración de músicos checos.
Este grupo chega a Pontevedra avaliado pola consecución da Medalla de Ouro do Concurso Internacional Janacek, o Primeiro Premio no Concourso Kocian da República Checa e o Premio do Público na Forbest Competition de Inglaterra. Ademais, cada un deles desenvolve as súas carreiras musicais como solistas con orquestras sinfónicas e participan con frecuencia en proxectos de música de cámara.
No concerto que o Sexteto de Praga ofrecerá no Teatro Principal a partir das 20:30 horas o próximo luns 18 de febreiro serán interpretadas obras do compositor checo Antonín Dvorák e do compositor alemán do romanticismo, Johannes Brahms.