Summum Teatro volverá en outubro con catro novas funcións e estreará un sistema de abonos
Por Natalia Puga
O ciclo teatral Summum terá este ano, por primeira vez, un total de oito funciones. Ás catro xa realizadas no segundo trimestre, haberá que sumar outras catro entre o 22 de outubro e o 26 de novembro. Ademais de ser o ano con máis número de representacións, este 2016 tamén terá como novidade a estrea dun sistema de abonos. Para promover a asistencia de público ao ciclo, o Pazo da Cultura pon á venda desde este mesmo venres un abono para as catro actuacións por un prezo de 42 euros máis gastos de tramitación.
A concelleira de Cultura, Anxos Riveiro, presentou este venres o novo ciclo, que é froito dunha colaboración entre o Concello de Pontevedra e o Instituto Nacional das Artes Escénicas e da Músca (Inaem) do Ministerio de Educación, Cultura e Deporte, e traerá a Pontevedra representacións de ámbito estatal e a grandes figuras como Concha Velasco, Lolita, Pastora Vega, a compañía de Cesc Gelabert e o Centro Coreográfico Galego.
O ciclo, que este 2016 chega ao seu terceiro ano de vida co seu número máximo de representacións, incluirá dúas obras teatrais e dous espectáculos de danza co obxectivo de chegar a un público de distintas idades e ofrecer unha oferta cultura diversa que siga atrapando aos espectadores e conseguindo logros como levar aos pontevedreses para cruzar as pontes sobre o río Lérez para ir ao Pazo da Cultura nas noites de inverno.
A primeira cita será o 22 de outubro ás 21.00 horas con Reina Juana, un monólogo protagonizado por Concha Velasco que interpreta a unha das mulleres máis fascinantes, incomprendidas e, á vez, descoñecidas da historia de España: a raíña Juana de Castela ou Juana a Tola. É un oratorio escrito por Ernesto Caballero no que se repasa a vida da raíña no momento da súa morte.
O 5 de novembro ás 19.30 horas chegará o primeiro espectáculo de danza, Foot-ball, unha peza do corógrafo Cesc Gelabert que traballa con dous das principais linguaxes non verbais da cultura actual, o fútbol e a danza. Un corpo de bailaríns descodifica coreográficamente algunhas das mellores xogadas do FC Barcelona, recreadas á súa vez pola mirada do cineasta Jordi Morató.
La asamblea de mujeres será a segunda cita teatral, o 18 de novembro ás 21.00 horas. Lolita, Pastora Vega, Maía Galiana e Pedro Mari Sánchez encabezan o elenco de nove actores desta trama coral que expón unha revolución femeninia liderada por Praxágora (Lolita). A peza, ademais, supón o debut na o dirección de Juan Echanove baseándose nunha peza escrita por Aristófanes no ano 392 A.C.
O ciclo pecharao o 26 de novembro ás 21.00 horas o espectáculo de danza contemporánea do Centro Coreográfico Galego baseado en As catro estaciones de Vivaldi. Con coreografía de Kenneth Tindall e Íker Gómez, a escenografía combina imaxes das provincias galegas coas catro estaciones do ano. A primavera asóciase coa Coruña, o verán con Pontevedra, o outono con Ourense e o inverno con Lugo.
Relacionadas:
-
Catro estaciones para clausurar o ciclo Summum Teatro
Por Redacción & Diego Torrado |
-
Miriam Díaz Aroca: "Se somos tan boas xestionando as nosas casas, por que non podemos xestionar un país?"
Por Alejandro Espiño |
-
As mellores xogadas do FC Barcelona, a ritmo de danza no Pazo da Cultura
Por Redacción |
-
Concha Velasco 'volve tolo' ao público pontevedrés
Por Diego Torrado |
-
Concha Velasco regresa a Pontevedra convertida en "Reina Juana"
Por Redacción |
-
Volve Ponteatro con seis obras de compañías galegas e dúas 'noites golfas'
Por Alejandro Espiño |
-
Quique San Francisco, Concha Velasco, Carlos Latre e Andrés Suárez, en outono no Pazo da Cultura
Por Redacción |
-
Atchúusss!!!, divertido peche para o ciclo Summum Teatro
Por Diego Torrado |
-
Fernando Tejero: "Atchúusss!!! é como unha pequena caixa de música que abre e dela saen cousas moi bonitas"
Por Alejandro Espiño |
-
Ana Obregón, Fernando Tejero, Ernesto Alterio ou María Pujalte para un trimestre teatral "ben divertido"
Por Alejandro Espiño |
-
Dobre ración de teatro para o público pontevedrés
Por Redacción |