Os 'Roedores' rillan no Salón do Libro cunha obra teatral que promove o valor da amizade
Por Redacción
Este domingo 17 de abril ás 18.30 horas, o auditorio do Pazo da Cultura de Pontevedra acolle o espectáculo familiar 'Roedores' da compañía Redrum Teatro. A obra será representada tamén durante o luns 18 para centros escolares nunha dobre sesión.
'Roedores', que se inclúe dentro da programación do Salón do Libro, preséntase como un espectáculo familiar con música en directo para menores a partir de 5 anos. O argumento trata de concienciar en valores de fomento da igualdade a través das aventuras dos seus protagonistas, o hámster Peludiño e a rata Munda. Os actores Guillermo Carbajo e Laura Míguez encarnan a estes animais e a montaxe está dirixido por Alex Sampayo.
Esta obra obtivo un gran éxito de público e crítica en novembro de 2014. Conta a historia de Peludiño, un hámster que se escapou da súa gaiola para vivir aventuras na cidade, que coincide con Munda, unha rata soñadora que pasa as noites rebuscando no lixo para levar comida aos seus irmáns. Ambos se terán que enfrontar a un inimigo, o temido Gato.
Peludiño e Munda permitirán que o público se achegue a conceptos como o de igualdade de xénero, de oportunidades, social ou de dereitos. A obra promove o traballo en equipo e a amizade.
Fonte: Youtube
Relacionadas:
-
Dous 'roedores' soltos no Pazo educan os nenos en igualdade e amizade
Por Redacción |
-
'Sons Miúdos' presume de música infantil en galego no marco do Salón do Libro
Por Redacción |
-
Música, contos e ilustracións mestúranse no espectáculo "A sinfonía das fábulas"
Por Redacción & Mónica Patxot |
-
Libro xigante de e para xente miúda
Por Mónica Patxot |
-
Os 'bichos' da casa invaden o Salón do Libro
Por Diego Espiño |