"Las altas presiones", nomeada a cinco premios Mestre Mateo
Por Alejandro Espiño
Las altas presiones, película producida pola compañía pontevedresa Matriuska Producións, optará ao premio Mestre Mateo á mellor longametraxe do ano, segundo anunciou este luns a Academia Galega do Audiovisual, entidade organizadora destes galardóns.
Competirá coas películas El desconocido de Dani de la Torre, Lobos sucios de Simón Casal de Miguel e A praia dos afogados de Gerardo Ferreiro.
En total, o filme dirixido polo marinense Ángel Santos -que tamén opta ao Mestre Mateo ao mellor director- acumula cinco nominacións.
Ademais da a mellor longametraxe e ao mellor director, a película opta ao premio ao mellor director de fotografía (Alberte Branco), ao mellor guión (Ángel Santos) e á mellor montaxe (Fernando Franco).
Tamén haberá representación pontevedresa na categoría de mellor webserie, onde optan ao premio Gafas e Pallaso, un proxecto de alumnos da Facultade de Ciencias Sociais e da Comunicación; e Dalle Jas, interpretada pola compañía teatral Triateros e rodada en diferentes escenarios de Pontevedra.
As grandes favoritas nesta décimo cuarta edición dos premios Mestre Mateo son as películas El desconocido e Lobos sucios, que optan a quince e catorce estatuíñas respectivamente, e as series de televisión Hospital Real e Serramoura, con once e sete nominacións.
A listaxe completa de nominacións pódese consultar na web da Academia Galega do Audiovisual.
Relacionadas:
-
RADIO.- O pontevedrés Pablo Piñeiro apela a aprender 'Lo positivo de fracasar en el amor'
Por Marisa Ciordia |
-
Nerea Barros, gañadora dun Goya, roda en Pontevedra a versión fílmica da primeira novela de Jabois
Por Redacción |
-
A semana internacional de cine de Valladolid, décima parada 'festivaleira' de 'Las altas presiones'
Por Redacción |
-
Dos fogóns pontevedreses ao Festival de Cine de San Sebastián
Por Alejandro Espiño |
-
Venres de estrea en Pontevedra con 'Las altas presiones' de Ángel Santos
Por Elsa Juliá Sánchez & Daniel Santomé & Cristina Saiz | Creada e actualizada