A exposición 'Somos espazo' e unha unidade didáctica sobre Castelao, propostas da Deputación para Culturgal
Por Redacción
Un total de 34 concellos da provincia terán presenza en Culturgal a través do posto que alí habilitará a Deputación de Pontevedra.
Así o confirmou o deputado de Cultura, Xosé Leal, a poucos días do comezo da Feira das Industrias Culturais, que se celebrará no Recinto Feiral de Pontevedra desde o venres 4 ata o domingo 6 de decembro.
Algúns destes concellos, 12 en concreto, presentarán ademais os seus proxectos dentro da programación do evento.
Pola súa banda, a Deputación presentou tamén as que serán as súas dúas grandes achegas á feira, a exposición 'Somos espazo' e unha unidade didáctica sobre a infancia a través das publicacións de Castelao.
A exposición, que se prepara para Culturgal pero que se manterá aberta ata o día 10 de xaneiro, supón "unha simbiose entre a arte e a arquitectura", explicou Paula Carballeira, comisaria da mesma.
Serán 24 os artistas que expoñerán os seus traballos contemporáneos entre o que se poderá atopar "debuxo, maquetas, esculturas, pinturas e instalacións".
No achegamento á parte artítica da arquitectura terá especial protagonismo o pontevedrés César Portela, segundo sinalaron os comisarios da exposición.
Pola súa banda, a unidade didáctica sobre a nenez na obra de Castelao, que se presentará durante o primeiro día do Culturgal, fará un repaso "sobre a historia da infancia e de Galicia a comezos do século 20" a través dos seus debuxos, nos que os cativos en moitas ocasións son protagonistas, relacionándoos coa actualidade. Todo, aclarou Diana Vilas, "orientado a niveis de secundaria e bacharelato".
Relacionadas:
-
O Museo acolle "Os vellos non deben de namorarse", unha superprodución de monicreques
Por Anxo Lourido |
-
O Salón do Libro presenta o cartaz da súa 17º edición "Canta Bichería!" dentro do Culturgal
Por Redacción & Diego Torrado |
-
O sábado, día grande de Culturgal 2015
Por Redacción & Diego Torrado |
-
Estampas descoñecidas de Castelao poden gozarse nun traballo da Deputación
Por Redacción |
-
Abre as portas o Culturgal, a cita no Recinto Feiral para presumir de cultura galega
Por Mónica Patxot & Anxo Lourido |
-
Máis de 125 propostas creativas "presumirán" de Culturgal entre o 4 e o 6 de decembro
Por Cristina Saiz & Anxo Lourido |
-
O Culturgal 2015 xa está completo a dous meses da celebración da feira
Por Redacción |
-
A Deputación ofrécelle aos concellos participar no seu posto no Culturgal
Por Redacción |