Concerto de Herold Quartet e Jirí Bárta, na Sociedad Filarmónica de Pontevedra
Por Redacción
A Sociedade Filarmónica de Pontevedra retoma a súa actividade tralas festas navideñas. Será nun concerto que se celebrará este luns 14 de xaneiro, ás 20:30 horas, no Teatro Principal de Pontevedra. Estará a cargo do Cuarteto de Corda Herold e o violonchelista Jirí Bárta.
O Cuarteto Herold, formado en 1998 e integrado por músicos checos cunha sólida formación musical e experiencia no campo da música de cámara, ofrecerá na primeira parte do concerto o Cuarteto de cuerda nº 9, op. 59 ("Rasumowsky") de Beethoven.
Na segunda parte, o Cuarteto Herold e o violonchelista Jirí Bartá uniranse para interpretar o Quinteto de cuerda D. 956, de Franz Schubert, unha das máis impresionantes obras mestras da música de cámara de todos os tempos. Jirí Bárta, considerado como un dos mellores violonchelistas da actualidade, toca un instrumento J. Gagliano de 1785.