Remate galego e subversivo para o Festival Internacional de Jazz e Blues
Por Redacción
A compositora e cantante texana Ruthie Foster e a súa poderosa voz impuxéronse como o plan escollido por unha boa parte dos pontevedreses para a noite deste sábado, volvendo encher a praza da Ferrería de espectadores entregados ás propostas do Festival Internacional de Jazz e Blues.
Ruthie Foster puxo a voz e a guitarra a unha noite na que o acompañaron Scottie Miller aos teclados, Larry Fulcher no baixo e Samantha Banks tocando a batería para compartir cos pontevedreses os temas principais da súa carreira e do seu útlimo traballo publicado, 'Promise of a Brand New Day', lanzado ao mercado en 2014 e que supuxo a súa terceira candidatura aos Grammy.
E tras a súa actuación, este domingo o festival chegará á súa fin cun nome galego no cartel, o de Vixilio da Silva, que presentará os seus últimos traballos, froito de dous últimos anos nos que se dedicou á busca e experimentación e unha música con influencias inclúen o rock máis psicodélico e ácido de finais dos 70's, o jazz, o pop avant-garde máis experimental, o noise e o stoner rock.
O guitarrista, que comezou a súa formación no Seminario Permanente de Jazz de Pontevedra, ofrecerá aos espectadores unha música que ten como máxima a busca da liberdade máis alá da súa clasificación nun xénero determinado e que aspira, por riba de todo, a manifestar a súa esencia subversiva.
A Da Silva acompañaranlle sobre o escenario Joris Roelofs (saxo alto e clarinete baixo), Yago Vázquez (piano e fender Rhodes), Felix Barth (baixo) e Mark Schilders (batería).
Relacionadas:
-
Volve 'Jazz no Principal' con concertos de Rale Micic e Raynad Colom
-
E seis días despois... rematan as noites de blues e jazz en Pontevedra
Por Redacción |
-
O jazz de Grammy de Terri Lyne Carrington dá paso á expresiva voz de Ruthie Foster
Por Redacción |
-
Da cálida voz de Janiva Magness á trepidante batería de Terri Lyne Carrington
Por Diego Torrado |
-
O Festival Internacional de Jazz e Blues chega á Ferrería coa voz de Janiva Magness
Por Redacción |
-
Seis días do mellor Jazz e blues internacional nas rúas
Por Redacción |