Abraham Mateo, Luz Casal, Macaco e Sés, estrelas musicais das Festas da Peregrina
Por Redacción
O cantante, compositor e actor Abraham Mateo, auténtico referente musical para os adolescentes, será unha das principais estrelas musicais que visiten Pontevedra para ofrecer un concerto gratuíto o 10 de agosto durante as Festas da Peregrina na Praza de España.
A concelleira de Festas, Carme da Silva, presentou durante a mañá deste xoves 21 as distintas actuacións previstas para estas Festas de Verán coa programación da Semana Grande da Peregrina entre o 8 e o 17 de agosto. Segundo explicou, estas diferentes ofertas artístas destacan pola calidade e a variedade de estilos.
Desta forma, o sábado 8 será o grupo metal Warcry que suba ao escenario da Praza do Concello. Ao día seguinte, o domingo 9, a banda de pop rock M-Clan ofrecerá un repaso dos mellores temas da súa carreira musical ao longo dos últimos vinte anos.
Tras o recital de Abraham Mateo que fará as delicias dos pontevedreses máis novos e que seguramente arrastrará numerosos fans doutras localidades, o martes 11 chegará Macaco á cidade. O artista barcelonés presentará o seu último traballo discográfico 'Historias tattooadas', con quince cancións sentimentais sobre o corazón e a mente.
Luz Casal será a protagonista da noite do mércores 12. A veterana artista, segundo indicou Carme da Silva, leva moitos anos sen actuar de forma gratuíta no ámbito de Pontevedra e sinalou que a cantante de Boimorto atraerá público de todas as idades ata a Praza de España, que ofrecerá un recital cun repaso aos seus temas clásicos e aos do seu último traballo, 'Almas gemelas'.
O xoves 13, día da Batalla de Flores, a formación que mantén o nome de Los Panchos actuará na Praza da Ferrería durante esa noite. O venres, a cantante galega Sés acompañada polos Cempés ofrecerá un dos seus enérxicos concertos que, segundo a concelleira,conlevará "moita festa". Durante o sábado 15 celebrarase o espectáculo de Máxima FM.
Carlos Jean, músico, produtor, re-mesturador, DJ e cantante español, ofrecerá un concerto o domingo 16 na praza do Concello. O calendario de actuacións dentro desta Semana Grande finalizará o luns 17 co ex compoñente de Milladoiro, Rodrigo Romaní, na Ferrería, dentro dos actos de celebración do Día de Galiza Mártir.
Todos os concertos das Festas da Peregrina serán gratuítos.
Relacionadas:
-
Luz Casal: "Pontevedra siempre está asociada a los buenos recuerdos"
Por Diego Torrado |
-
E con Abraham Mateo chegou... o escándalo
Por Diego Torrado |
-
Pasan a noite na Praza de España para ver en primeira fila o concerto de Abraham Mateo
Por Redacción |
-
M-Clan fixo vibrar os seus seguidores no segundo concerto da Semana Grande
Por Diego Torrado |
-
Jhonander, a banda pontevedresa que abrirá o escenario principal das festas da Peregrina
Por Redacción |
-
Javi Gómez Noya, pregoeiro das Festas da Peregrina
Por Alejandro Espiño & Cristina Saiz |
-
Que o ritmo non decaia: aquí está toda a axenda festiva de Pontevedra esta semana
Por Redacción |
-
Xa está na rúa o programa das Festas de verán
Por Redacción |
-
Jhonander, 'teloneiro' de WarCry na Peregrina; outros quince grupos estarán nos 15 Bolos
Por Alejandro Espiño |
-
900.000 euros, orzamento das múltiples actividades das Festas do Verán que se inician o 10 de xullo
Por Redacción |