Un mestre holandés, novo director da Banda de Música de Salcedo
Por Redacción
Marcel Van Bree, un mestre holandés cunha importante traxectoria, presentarase o próximo sábado 25 de abril como novo director da Banda de Música de Salcedo a través dun concerto que se ofrecerá no Teatro Principal a partir das 20.30 horas con entrada libre ata completar o aforamento.
Van Bree naceu en Meijel (Holanda) e realizou os seus estudos de clarinete e dirección no Conservatorio Superior de Brabante e asistiu a clases de, entre outros, Enrique García Asensio, coñecido por intervir no programa televisivo El mundo da música.
En 1991 trasládase a Galicia onde foi director do Conservatorio Profesional de Lalín e da súa Orquestra de Cámara, ademais da Banda Municipal de Lalín. Na súa traxectoria destaca por ser director-fundador da Banda Sinfónica de Galicia e director da Banda da Federación Galega. Gravou unha decena de traballos discográficos e impartido cursos e masterclases de dirección nos conservatorios de Pontevedra, Ourense, Lalín e Lugo, entre outros.
Estreou unha vintena de obras de novos compositores españois e autores como Eva Lopszyc ou Ferrer Ferrán dedicáronlle algún dos seus traballos.
Agora afronta unha nova etapa como director titular da Banda de Música de Salcedo dende que se realizou un relevo á fronte desta agrupación en xaneiro de 2015.
Relacionadas:
-
Un man a man entre as bandas xuvenís de Salcedo e Valadares abre o ciclo musical da BMS
Por Redacción |
-
A Banda de Música de Salcedo confesa as dificultades económicas que ten para realizar as súas actividades
Por Elsa Juliá Sánchez |
-
O Nadal soa á Banda e a Polifónica de Salcedo
Por Redacción |
-
A música da Banda de Salcedo, ao alcance dos máis pequenos da casa
Por Mónica Patxot |