As xornadas sobre o Entroido de Galiza apostan pola recuperación da figura do Labrego de Marcón
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/242/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/54de3e6549-xornadas-entroido-000-.jpg)
CC BY-NC-SA PontevedraViva
![](/web/cache/scene/uploads/fotos/foto/f64/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/54f01305a2-iiixornadas_expo1.jpg)
© Sociedade Antropolóxica Galega SAGA
O Centro de Interpretación das Torres Arcebispais (CITA) será o espazo que acolla as III Xornadas sobre o Entroido de Galicia o 27 e o 28 de febreiro organizadas pola Sociedade Antropolóxica Galega (SAGA). Durante a edición deste ano destaca a presentación do libro A danza dos labregos. Estudo do Entroido de Marcón, un estudo realizado polo etnógrafo Xosé Anxo Rosales, que na presentación das xornadas explicou a importancia da figura dos labregos, personaxes desta festa en Marcón que levaban un traxe branco, un estoque, un mantón e un sombreiro cónico para danzar fronte a un boneco ao ritmo das bucinas.
Rosalese o responsable das xornadas, Rafael Quintás, sinalaban a necesidade de rescatar este personaxe da memoria e intentar volver facelo realidade na parroquia de Marcón e no Entroido de Pontevedra.
As xornadas do Entroido de Galicia contarán coa participación de diversos expertos que analizarán o entroido en lugares como Campañó, coa Corrida da Rosca; Laza; Viana do Bolo; Ulla ou Limia. O encontro finalizará coa actuación de Carmen Gallego e César Loureiro o sábado 28 a partir das 21.15 horas.
Ao mesmo tempo manterase aberta unha exposición na que se inclúen 40 fotografías dos diferentes carnavais que se celebran en Galicia e unha mostra de traxes con peliqueiros, volantes, o merdeiro de Vigo, pantallas de Xinzo ou madamas e galáns de Cobres. Ademais expoñeranse diferentes instrumentos musicais, máscaras e outros obxectos que se empregan nestas festas.
Relacionadas:
-
Venres de desfile escolar co boneco de palla para recuperar o Entroido tradicional de Marcón
Por Redacción |
-
Rematan as Xornadas sobre o Entroido de Galicia
Por Redacción |
-
Campañó recupera este domingo a súa 'Corrida da Rosca' como parte do Entroido pontevedrés
Por Redacción |
-
Os Entroidos de Galicia, a análise na II edición das xornadas sobre esta festa popular
Por Redacción |