O Seminario Permanente de Jazz e a BMP póñenlle música ao Nadal
Por Redacción
O Teatro Principal foi o escenario elexido polo Seminario Permanente de Jazz e a BMP para póñenlle música ao Nadal. A quenda do jazz foi o sábado e o domingo tocoulle á Banda de Música de Pontevedra e os monicreques da artista Larraitz Urruzola pechar o ciclo de "Concertos en familia" con O Crebanoces.
O espectáculo, recomendado para nenos a partir de 4 anos, foi dirixido por Juan Lois Diéguez, responsable da Banda de Música de Pontevedra.
A música de Tchaikowsky serviu para ambientar a historia da pequena Clara, cuxo padriño lle regala en Nadal un crebanoces con forma de boneco. De tanto partir noces o boneco acaba rompéndose e, para consolar a Clara do seu desgusto, o seu padriño cóntalle a historia do boneco Cascanueces, que en realidade era un valente personaxe que loitou á fronte do seu exército de xoguetes contra a raíña dos ratos.