Boa acollida en Pontevedra a "Meu Ben" de Eme2, terceira cita co ciclo Ponteatro
Por Diego Torrado
O Teatro Principal de Pontevedra acolleu este xoves unha nova entrega do ciclo Ponteatro. A compañía galega Eme2 puxo en escena o seu último espectáculo, Meu Ben. Fíxoo cunha gran resposta do público, desexosos de coñecer este retrato sobre a vida de tres mulleres dunha mesma familia que relatan a historia do seu ano extraordinario, todo elo impregnado de amor, sexo, vida, morte... e clases de salsa.
Amber vive sen preocupacións. Está no mellor da vida, flirtea cun tal Paul e anda de festa. Ata que sofre unha molesta indixestión. A súa nai Lorraine ataca un cliente no traballo polo que debe visitar un médico da cabeza que lle receita facer algo bo para ela mesma unha vez por semana. ÿ hora de apuntarse a clases de salsa. A avoa Kay, pola súa banda, intenta sentirse viva nos frustrantes sesenta mentres coida do seu marido enfermo.
A obra é unha adaptación dun texto creado pola dramaturga Elaine Murphy e representado por primeira vez en 2008. Dende ese momento leva cativando o público arredor do mundo con producións nas Illas Británicas, en Australia ou en Nova York.
Agora chega a Galicia da man de Eme2. Nesta nova versión, as protagonistas son as actrices Elina Luaces, Mercedes Castro e Rocío González, que dan vida ás tres protagonistas.
Relacionadas:
-
'Bye bye, honey', un musical "duro, acedo e descarnado" que chega a Pontevedra dentro do ciclo Ponteatro
Por Alejandro Espiño & Mónica Patxot |
-
"O feo" no ciclo Ponteatro, unha divertida e mordaz reflexión sobre a obsesión pola beleza e o éxito
Por Alejandro Espiño & Diego Torrado |
-
"Impreuna", o circo feito en Galicia, marabilla o público pontevedrés no Pazo da Cultura
Por Mónica Patxot |
-
Voadora rende a súa peculiar homenaxe a Shakespeare con "A tempestade", nova cita co ciclo Ponteatro
Por Alejandro Espiño |
-
Ponteatro, aposta do Pazo da Cultura e o Teatro Principal para os xoves de outono
Por Alejandro Espiño & Mónica Patxot |