Tradición e novas tecnoloxías únense en Culturgal
Por Redacción
Máis de 200 profesores participaron no Foro Culturgal para analizar as novas tecnoloxías en relación co sector da educación. O Recinto Feiral acolleu no segundo día do Culturgal múltiples propostas para nenos e adultos.
Algúns dos protagonistas da xornada foron o actor Luís Tosar que presentou a súa nova película, Operación E; os actores da serie Matalobos Luis Iglesias e Xabier Deive, que presentaron o seu novo proxecto Gaivotas Subterráneas e os personaxes da programación infantil da TVG.
No apartado musical, a Feira acolleu a música en directo de Os da Ría; poemas de Manuel María na voz de Uxía; ao teclista de Los Tamara, Enrique Paisal; a Tonhito de Poi e os novos traballos de Emilio Rúa, Xoán Curiel, Silvia Penide y Los Animales.
Escritores como Pedro Feijoo, Félix Caballero, María e Manuel Lorenzo ou Fernando M. Cimadevila falaron dos seus libros no Salón. E os máis pequenos contaron con múltiples actividades a través dos obradoiros de encadernación, maquillaxe e disfraces ademais de gozar do miniconcerto de Mamá Cabra.