A arte que sae do forno
Por Mónica Patxot
O Pazo da Cultura acolle a décimo sexta edición do Curso Internacional de Cerámica Contemporánea, no que participan corenta alumnos.
Este ano os artistas invitados son Graciela Olio (Arxentina) especialista en impresión fotográfica en cerámica, e o español Josep María Mariscal, que tratará as cristalizacións.
O curso está dirixido a todas as persoas que estean interesadas no mundo da cerámica.
Este luns foi o primeiro día. A xornada dedicouse á presentación dos ceramistas que mostraron a súa obra por medio de imaxes, nesta presentación entaboouse un coloquio entre os artistas participantes e os alumnos. A continuación e unha vez coñecido o traballo dos ceramistas, pasouse aos talleres onde os profesores fixeron unha mostra de como traballan e os alumnos puideron realizar tamén obra nos talleres.
Nos próximos días faranse coccións múltiples, de gas, eléctrico, redución, carbonización, forno de trincheiras... entre outras técnicas a estudar.