Faino ti! A Biblioteca de Pontevedra apúntase á bricomanía
Por Oskar Viéitez
A Biblioteca Pública de Pontevedra "Antonio Odriozola" convértese nun "Centro de Interese" cunha selección de libros e outros materiais de bricolaxe, artesanía, labores, etc moi útiles se un ten problemas para arranxar un enchufe ou a billa que gotea, ¿quere aprender a calcetar?, facer gancho no seu tempo libre, modificar un antigo moble, facer arranxos na súa roupa..., aquí poderá consultar e levar en préstamo unha ampla selección de libros e DVD sobre estes temas e moitos máis.
O centro de interese irá acompañado dunha serie de charlas/obradoiro para iniciar os interesados no arranxo de pequenas avarías eléctricas domésticas, pintar as nosas casas, como facer bonecos con "goma eva", dar os primeiros pasos na arte do Patchwork ou aprende con Lerole a traballar distintas texturas e realizar figuras que proveñen do noso patrimonio arqueolóxico.
Faino ti!. Na sala de préstamo (2º andar) da Biblioteca Pública de Pontevedra. Do 24 de marzo ao 10 de abril terán lugar as seguintes charlas-obradoiros:
- Día 26 de marzo as 18:00, charla/obradoiro na sala de obradoiros: "Como pintar a nosa casa, primeiros pasos", a cargo de Fernando Dobarro
- Día 27 de marzo as 18:00, charla/obradoiro na sala de obradoiros: "Fofuchas ou como facer bonecas con goma eva", a cargo de Andrea Trepat
- Día 28 de marzo as 18:00, charla/obradoiro na sala de obradoiros: "Aproximación divertida e didáctica ao noso patrimonio arqueolóxico a través da artesanía", acargo María Martín (Lerole)
- Día 31 de marzo as 18:00, charla-obradoiro na sala de obradoiros: "Electricidade, os meus primeiros pasos no fogar", a cargo de Anxo Telmo
- Día 1 de abril as 18:00, charla/obradoiro na sala de obradoiros: "Iniciación ao Patchwork", a cargo de Beatriz Feijoo